ಪೆಂಗದೂಮನ ಕಬಿತೊಲು

ಅ.ಬಾಲಕೃಷ್ಣ .ಶೆಟ್ಟಿ. ಪೊಳಲಿ

ಕಣ್ದಾಂತಿ ಕುರುಡೆನಾ? ಕಾರ್ದಾಂತಿ ಕುಂಟೆನಾ?
ನಾಲಾಯಿ ಬರಂದಿನ ಪೊಟ್ಟೆ – ಆವು
ಕೆಬಿಯಿಜ್ಜಿ ಪಣ್ಪಿನಾ ಕೆಪ್ಪ ಸಂಗೊನೆ ಬಂಗೋ
ಬೊಬ್ಬೆ ಪಾಡ್೦ಡ ಕೇಂಬೋ? ಪೆಂಗದೂಮ -೧

ಕೆಬಿಯಿಜ್ಜಿ ಪಣ್ಪಿನ ಕೆಪ್ಪೆ ಆಂಡಲ ಆವು
ಕಯಿಕಾರ್ ಕಣ್ಣ ಸನ್ನೆಡ್ ಪಾತೆರೊ
ತೆರಿಪಾವೊಲಿಂದಾಂಡ ಮನಸ್ ಮುಚ್ಚಿದಿ ಮದಡ
ಸಂಗ ಬೊಡ್ಚಿಯೆ ನಂಕ್ – ಪೆಂಗದೂಮ -೨

ಮನಸ್ ಮುಚಿದಿನ ಮದಡ ಸಂಗ ಅಂಡಲ ಆವು
ಪಂಡ್ ಪಂಡ್ ದ್ ಮನಸ್ ಬುಡ್ಪಾವೊಲಿ
ಕಂತ್ರಿಡೋಂಗಿದ ಸುಬಗ ಇಷ್ಟ ನಂಕಾವಂದ್
ಗುರಿದಾಂತೆ ಕವುಂಪಾವೆ – ಪೆಂಗದೂಮ – ೩

ಪುರೊಯಿತೆರ್ ಕಲ್ತಿನಾರ್೦ದ್ ಲೆತ್ ದರೆನಂಗಿ
ಅರುವೆ ಪೊಲ್ಲಾವುನವು ಸಮನೊ ಪನ್ಲೆ
ಮುಟ್ಟು ಪೊಲ್ಲೊಂದ್ದುಪ್ಪಿ ಸಮಗಾರೆ ಬತ್ತ್ ದ್
ತಿತಿ ಮಲ್ತಿ ಲೆಕ್ಕಾವು – ಪೆಂಗದೂಮ – ೪